Thursday, July 20, 2017

ལྷ་རེག་ཁྲོད་ཀྱི་བྱ་དགའ་འདི་ཡང་ཚེ་རབས་གཏན་གྱི་བུན་དུ་སོང་།

གཅིག་ཏུ་སྨན་པའི་ཕུལ་བྱུང་བློ་བསྐྱེད་དུས་དང་ནུས་པས་འབུལ་མ་ནུས།།
འཕྲལ་བྱུང་ཞོར་གྱི་སློབ་ཁྲིད་ཡོད་རྒུ་སྐབས་ཀྱི་དུས་ཡུན་གྲོན་རྒྱུ་ལས།།
ཕན་ཐོགས་ཅན་གྱི་གྲུབ་དོན་ཟེར་ཡང་ཉིན་ཞག་མང་པོའི་མགོ་རྙོག་སྟེ།།
དོན་མེད་ངལ་བས་ཁྱེད་ཅག་ཉོབ་ལ་བདག་གིས་ལན་ཡོད་བཟོད་པར་བཞེས།།

Wednesday, July 19, 2017

ཆོས་མཐུན་འཆང་བཟའི་མཇུག་ཏུ་དམ་ཚིག་གཙང་མས་སྐྱོང་དགོས་པར་གདམས་པ།

མཛད་པ་པོ། ཤར་པ་བླ་མ་སངས་རྒྱས་བསྟན་འཛིན། ༡༩༢༤-༡༩༩༠ 
ནེ་ཤར་ལོ་རྒྱུས་ཇོ་གླང་གངས་འོད་ནས་ཟུར་བཀོལ་ཞུས།

ཤར་པའི་ལུགས་སྲོལ་ཤེས་ནས་སྐྱོང་བ་ནི་ཤིན་ཏུ་ལེགས་པ་ཡིན། མི་རིགས་རང་རང་གི་ལུགས་སྲོལ་མི་ཤེས་པ་དང་། ཤེས་ཀྱང་སྤོང་བ་ནི་མི་རིགས་ཀྱི་ཐ་ཤལ་ཆོས་དང་འཇིག་རྟེན་གཉིས་ཀ་ལས་ཉམས་པའི་རྟགས་ཡིན་ནོ། །གཏམ་དཔེ་ལས། ར་ར་ས་དང་ལུག་ལུག་ས་བཟུང་ན་དགའ། ཟེར་བ་ཡོད། དེ་མིན་ར་མགོ་ལུག་སྦྱར་དང་། རྒྱ་མིན་བོད་མིན་བྱེད་པ་ནི་ཐན་དང་ལྟས་ངན་གྱི་སྣ་འདྲེན་ཡིན་པར་བཤད་དོ།། དེ་ལྟར་ཡིན་པ་ཡང་། སྔོན་གྱི་མཁས་པ། ལྷ་ཆོས་དང་མི་ཆོས། ཡ་རབས་དང་མ་རབས། བཟང་པོ་དང་ངན་པ། བདེ་བ་དང་ཕུང་བ་སོགས་ཤན་འབྱེད་པའི་དབང་པོར་གྱུར་པ་རྣམས་ཀྱིས་འདི་ལྟར་གསུངས་ཏེ།

Sunday, July 16, 2017

ཤར་པ་རྣམས་ལ་ཕན་པའི་བྱ་མ་རྟ།

མཛད་པ་པོ། ཤར་པ་བླ་མ་སངས་རྒྱས་བསྟན་འཛིན། ༡༩༢༤-༡༩༩༠ 
ནེ་ཤར་ལོ་རྒྱུས་ཇོ་གླང་གངས་འོད་ནས་ཟུར་བཀོལ་ཞུས། 

གུ་རུ་ཡིད་བཞིན་ནོར་བུར་ཕྱག་བཙལ་ནས།།
ཤར་པ་རྣམས་ལ་ཕན་པའི་གྲོས་ཤིག་འདེབས།།
ཆོས་འབྱུང་མེས་རབས་ཚུལ་དུ་བཤད་ཟིན་ཀྱང་།།
ལ་ལས་གོ་དཀའ་འཕྲལ་ཕན་འདི་རྣམས་ཡིན།།

འབོད་སྐུལ་ཚིག་གསུམ།

མཐར་འབྲས་སྐུ་དང་ཡེ་ཤེས་དམ་པའི་དཔལ།།
སྒྲུབ་པའི་ལམ་མཆོག་གསལ་བར་བྱེད་པ་ཡི།།
དྲི་མེད་ཐབས་ལམ་ཆོས་ཀྱི་སྒྲོན་མེ་དང་།།
འབྲལ་མེད་དམ་གཙང་རྡོ་རྗེ་སྤུན་གྲོགས་ལགས།།

Wednesday, December 10, 2014

ཀུན་མཁྱེན་ཀློང་ཆེན་རབ་འབྱམས་པའི་གསུང་རབ་མཛོད་བདུན་ལ་བལྟ་བར་བསྐུལ་བ།

མཛད་པ་པོ། རྫ་དཔལ་སྤྲུལ་རིན་པོ་ཆེ་ཨོ་རྒྱན་འཇིགས་མེད་ཆོས་ཀྱི་དབང་པོ། ༡༨༠༨-༡༨༨༧
༄༅། །ནམཿསརྦཛྙཱཡ། གདོད་ནས་རབ་ཞི་གཉུག་མ་བརྡལ་བའི་ཞིང༌། །རྟག་ཏུ་མི་གཡོ་ཡེ་ཤེས་ཆོས་སྐུའི་ཀློང༌། །དགོངས་པའི་རྩལ་ཆེན་རྫོགས་པའི་སྣང་འགྲོས་ཅན། །ཀུན་མཁྱེན་བླ་མ་དེ་ལ་ཕྱག་འཚལ་ལོ། །ཀྱེ་ལགས་ཡོན་ཏན་མཆོག་གི་རང་བཞིན་ནི། །དམ་པའི་གཞུང་ལ་མ་བརྟེན་རང་བཟོས་མིན། །རྒྱ་མཚོ་ཆེ་ལས་ནོར་བུ་མཆོག་འབྱུང་གི །དམན་པའི་ཡུལ་ལས་རང་གར་ཅི་ཞིག་རྙེད། །རྟོགས་པའི་ཡེ་ཤེས་ཉི་མ་སྣང་བ་ཡང༌། །བྱིན་བརྒྱུད་མ་ཉམས་བླ་མའི་མན་ངག་ལས། །ངེས་པར་འོང་གི་སྟོང་སྒོམ་མུན་རྡོ་བ། །ལེགས་པའི་ལམ་དུ་རྣལ་མར་འགྲོ་བ་ཉུང༌། །ཐོས་པ་མེད་པ་སྲིད་ན་སྐྱོན་ཆེ་ཡང༌། །ལོག་པར་ཐོས་པ་དེ་བས་སྡིག་ཆེ་བས། །མཁས་པའི་གཞུང་ལ་བལྟ་བ་ཡོད་དུས་འདིར། །ཐོས་པའི་མིག་དཀྱུས་ཅི་ཕྱིར་དག་མི་བགྱིད། །སྲིད་པ་འདི་ན་ཡིད་བཞིན་ནོར་གཅིག་པུ། །ཀུན་མཁྱེན་བླ་མའི་གཞུང་ལུགས་རིན་པོ་ཆེ། །འདི་ལས་གཞན་ལ་

Saturday, February 1, 2014

རྟགས་འགྲེལ་ནོར་བུའི་མེ་ལོང་ལས། ཞར་བྱུང་དུ་ཡི་གེའི་འཇུག་པ་སྤྱིའི་དགོས་པ་བཤད་པའི་སྐབས་དོན་ལ་དཔྱད་པ།

རྟགས་འཇུག་རྩ་བ་ལས། མོ་ཡི་ཡི་གེ་མེད་པ་ན། །ཕོ་ཡིག་བརྗོད་པ་མེད་པར་འགྱུར། །ཕོ་ཡིག་དེ་དག་རྣམས་ལ་ཡང་། །འཇུག་པར་བཅས་པ་མེད་པར་ནི། །མིང་དང་ཚིག་ཀྱང་གསལ་མི་ནུས། །མིང་ཚིག་གསལ་བ་མེད་ན་ནི། །དོན་རྣམས་བརྗོད་པར་མི་འགྱུར་རོ། །ཞེས་པའི་བསྟན་དོན་སྐོར་ཅུང་ཟད་དཔྱད་པར་བྱ་བ་ལ། རྩ་བ་ལས། མོ་ཡི་ཡི་གེ་མེད་པ་ན། །ཕོ་ཡིག་བརྗོད་པ་[1]མེད་པར་འགྱུར། །ཞེས་པའི་བསྟན་དོན་དུ་ནོར་བུའི་མེ་ལོང་ལས། མོ་ཡི་ཡི་གེ་ཨཱལི་མཚོན་བྱེད་གི་གུ། ཞབས་ཀྱུ། འགྲེང་བུ། རྣ་རུ་བཞི་མེད་པ་ན། ཞེས་ཡོངས་གྲགས་ཀྱི་དབྱངས་བཞིར་བཀྲལ་ནའང་། དབྱངས་བཞི་པོ་དེ་དག་མེད་པ་ཙམ་གྱིས་ནི་མཐའ་གཅིག་ཏུ་ཕོ་ཡིག་གི་བརྗོད་པ་རྣམས་མེད་པར་འགྱུར་ཚུལ་སུས་ཀྱང་དམ་བཅའ་བར་མི་ནུས་ལ།  དེར་བརྟེན། ཕོ་ཡིག་ཀཱལི་རྣམས་ཀྱི་བརྗོད་པ་ཕལ་ཆེར་མེད་པར་འགྱུར་ལ། ཞེས། ཕལ་ཆེར་ཞེས་པའི་སྒྲ་གསར་སྣོན་མཛད་ཅིང་།  ཕལ་ཆེར་ཞེས་པའི་ཚིག་འདིའི་ནུས་སྟོབས་ལ་བསམས་ན།

Featured Post

ཀུན་མཁྱེན་ཀློང་ཆེན་རབ་འབྱམས་པའི་གསུང་རབ་མཛོད་བདུན་ལ་བལྟ་བར་བསྐུལ་བ།

མཛད་པ་པོ། རྫ་དཔལ་སྤྲུལ་རིན་པོ་ཆེ་ཨོ་རྒྱན་འཇིགས་མེད་ཆོས་ཀྱི་དབང་པོ། ༡༨༠༨-༡༨༨༧ ༄༅།   །ནམཿསརྦཛྙཱཡ། གདོད་ནས་རབ་ཞི་གཉུག་མ་བརྡལ་བའི་ཞིང༌།   །རྟག་ཏ...