Saturday, March 17, 2012

གཟིགས་ལགས་སམ།

འཁོར་བའི་ཆོས་ལ་བཅོས་མིན་ངེས་བྱུང་གིས།།
གྲངས་མེད་བསྐལ་བའི་རྣམ་དཀར་སྙིང་པོ་ཀུན།།
གཅིག་ཏུ་སྤུངས་པའི་ལུས་མཆོག་དེ་ཡིས་ཀྱང་།།
རྣམ་དག་ཉམས་ལེན་དཔལ་ལ་གཞོལ་ཐེངས་རེར།།

ཤ་ཁྲག་ལུས་པོ་རྡུལ་དུ་མ་དེངས་བར།།
བཟོད་མེད་དཀའ་སྤྱད་དྲག་པོར་བསྟེན་བསྟེན་ནས།།
ད་གཟོད་སྲིད་ཞིའི་མཐའ་ལས་ཡོངས་འདས་པའི།།
ཟག་མེད་འབྲས་བུའི་དཔལ་ལ་དབང་འདུག་གི།།
དེ་མིན་ཚེ་རབས་ཕྲེང་བའི་སྐྱེ་བ་རུ།།
ལོག་འཚོ་ཁོ་ནར་སྤྱད་པའི་བག་ཆགས་མཐུས།།
ཤི་གསོན་དཀོར་གྱིས་སྦགས་པའི་རྣམ་སྨིན་ལུས།།
རྣམ་ཀུན་གཅེས་པར་སྐྱོང་བའི་ཉེས་ཅན་ཞིག།
རྣམ་དག་ཐུབ་པའི་རྗེས་འབྲངས་ཡིན་ནོ་ཞེས།།
ཁེངས་སེམས་དྲག་པོས་ལྟར་སྣང་ཆོས་པའི་གཟུགས།།
གཞན་ལ་ངོམ་སོ་བྱས་པའི་རྫིག་ཉམས་ལས།།
མཐར་འབྲས་ལོན་པའི་གཏམ་རྒྱུད་གཟིགས་ལགས་སམ།།

No comments:

Post a Comment

ཟིན་བྲིས་འདིའི་རྩོམ་ཡིག་སོགས་ཀྱི་ཐད་ཁྱེད་ཀྱིས་དགོངས་ཚུལ་ལམ་མཆན་བུ་གཏོང་བར་རང་ཉིད་ཀྱི་གློག་ཕྲིན་ནམ་ཟིན་བྲིས་གང་རུང་སྒོ་འབྱེད་གནང་དགོས་ཤིང་། གལ་སྲིད་གློག་ཕྲིན་དང་ཟིན་བྲིས་གཉིས་ཀའི་ཁ་བྱང་མེད་ཚེ་ངེས་པར་དུ་ Comment as: Anonymous ཐོག་འདེམས་གནོན་བྱས་ཏེ་གཏོང་རོགས། ཐུགས་རྗེ་ཆེ།

དམིགས་བསལ་རྩོམ་ཡིག

ཀུན་མཁྱེན་ཀློང་ཆེན་རབ་འབྱམས་པའི་གསུང་རབ་མཛོད་བདུན་ལ་བལྟ་བར་བསྐུལ་བ།

མཛད་པ་པོ། རྫ་དཔལ་སྤྲུལ་རིན་པོ་ཆེ་ཨོ་རྒྱན་འཇིགས་མེད་ཆོས་ཀྱི་དབང་པོ། ༡༨༠༨-༡༨༨༧ ༄༅།   །ནམཿསརྦཛྙཱཡ། གདོད་ནས་རབ་ཞི་གཉུག་མ་བརྡལ་བའི་ཞིང༌།   །རྟག་ཏ...