Thursday, July 20, 2017

ལྷ་རེག་ཁྲོད་ཀྱི་བྱ་དགའ་འདི་ཡང་ཚེ་རབས་གཏན་གྱི་བུན་དུ་སོང་།

གཅིག་ཏུ་སྨན་པའི་ཕུལ་བྱུང་བློ་བསྐྱེད་དུས་དང་ནུས་པས་འབུལ་མ་ནུས།།
འཕྲལ་བྱུང་ཞོར་གྱི་སློབ་ཁྲིད་ཡོད་རྒུ་སྐབས་ཀྱི་དུས་ཡུན་གྲོན་རྒྱུ་ལས།།
ཕན་ཐོགས་ཅན་གྱི་གྲུབ་དོན་ཟེར་ཡང་ཉིན་ཞག་མང་པོའི་མགོ་རྙོག་སྟེ།།
དོན་མེད་ངལ་བས་ཁྱེད་ཅག་ཉོབ་ལ་བདག་གིས་ལན་ཡོད་བཟོད་པར་བཞེས།།


རྩིས་འཕྲུལ་ཐོག་གི་ཤེས་བྱ་འདི་ཀུན་ཆོས་དོན་གཉེར་བའི་ཆོས་གྲོགས་ཚོའི།།
རིན་ཆེན་དུས་ཚོད་སྟོང་ཟད་གཏོང་བྱེད་ལྷ་བུའི་བདུད་ཀྱི་རྣམ་འཕྲུལ་སྟེ།།
འདི་ཕྱི་གང་ལའང་དོན་འབྲས་དབེན་པའི་ཤེས་བྱའི་རྣམ་གྲངས་འདི་རིགས་ལ།།
ཕྱིན་ཆད་བརྩོན་པའི་ངལ་བ་མ་མཛོད་མཛད་ན་མི་ཚེ་སྟོང་ཟད་རེད།།

ཉིན་ཞག་མང་པོའི་བསྙེན་བཀུར་རིན་པ་འཇལ་བ་བདག་གིས་མ་ལྕོགས་ཁར།།
མགོ་མཇུག་མེད་པའི་སློབ་ཁྲིད་སྣ་རྒུས་གསལ་བའི་རྣམ་རིག་རྨོངས་བྱས་ཏེ།།
ཁྱེད་ཅག་ངལ་བའི་མཐའ་ལ་སྦྱར་བར་སྟོབས་བཞིའི་སྡིག་བཤགས་མ་གྲུབ་གོང་།།
ལྷ་རེག་ཁྲོད་ཀྱི་བྱ་དགའ་འདི་ཡང་ཚེ་རབས་གཏན་གྱི་བུན་དུ་སོང་།། 
༡༡།༢༢།༢༠༡༥

དམིགས་བསལ་རྩོམ་ཡིག

ཀུན་མཁྱེན་ཀློང་ཆེན་རབ་འབྱམས་པའི་གསུང་རབ་མཛོད་བདུན་ལ་བལྟ་བར་བསྐུལ་བ།

མཛད་པ་པོ། རྫ་དཔལ་སྤྲུལ་རིན་པོ་ཆེ་ཨོ་རྒྱན་འཇིགས་མེད་ཆོས་ཀྱི་དབང་པོ། ༡༨༠༨-༡༨༨༧ ༄༅།   །ནམཿསརྦཛྙཱཡ། གདོད་ནས་རབ་ཞི་གཉུག་མ་བརྡལ་བའི་ཞིང༌།   །རྟག་ཏ...